Gibati sa katawhan sa Barangay Camasi ang dakong kadasig ug kalipay sa ilang pakig-uban sa Juander Radyo Kidapawan News Team atol sa gipahigayong oryentasyon kabahin sa Juander Radyo Loyalista Incorporated.
Mainiton ang pagdawat sa mga residente nga masinati mismo ang tumong ug tinguha sa maong organisasyon nga maghatag ug tinud-anay ug matinud-anong serbisyo sa katawhan pinaagi sa paghatod sa tukma ug kasaligan nga tabang ngadto sa mga myembro niini nga mitaliwan.
Gipahayag sa mga lumulupyo nga ang presensya sa Juander Radyo Kidapawan dili lamang naghatod og balita, kondili usa usab ka paagi aron mapalig-on ang panaghiusa ug pagtinabangay sa komunidad. Gipabati usab sa News team Ang paningkamot sa Juander Radyo Loyalista Incorporated nga mas mapalapdan pa ang serbisyo, ug mas daghang katawhan ang mahomong myembro sa organisasyon ug kalihokan sa umaabot.
Ang kalihokan nahimong usa ka higayon aron mas masayod ang katawhan sa Camasi sa maong organisasyon ug aron ipadayag ang ilang suporta alang sa mas lig-on ug mas malungtarong pakig-uban.
