Gipalig-on pinaagi sa ilang panagtambayayong ang Department of Social Welfare and Development Field Office 12, ug ang Department of Trade and Industry (DTI), aron sa pagsangkap sa mga kabus nga pamilya sa pagpadagan sa ilang kaugalingong negosyo.
Nakabenepisyo sa tunga sa adlaw nga seminar ang kapin 20 ka mga benepisyaryo sa Pantawid Pamilyang Pilipino Program (4Ps), kinsa mga miyembro usab sa Sustainable Livelihood Program, aron hisgutan ang Cash and Inventory Management.
Si Ms. Krisha Jae M. Deguma, usa ka business counselor, nitudlo sa mga pamilyang Pantawid sa pagdumala sa ilang cash flow, pagsubay sa ilang mga produkto, ug pagsusi sa pinansyal nga estado sa ilang mga negosyo.
Sa pagkakaron, mukabat na sa 60 ka pamilya sa 4Ps ang nakapahimulos na sa mga capacity-building programs nga gipasiugdahan sa DTI sa Munisipyo sa Malungon, Sarangani Province.
Photo courtesy to:DSWD 12
