Gidala sa balay tambalanan ang usa ka CVO human kini giluba sa ilang silingan Purok Million Barangay Sagua Margosatubig, Zamboanga Del Sur, adlaw’ng Septyembre 24, 2025.
Ginganlan ang biktima sa alyas “Randy” 45 anyos, usa ka CVO, samtang ang suspetsado naila sa alyas “Meliton”, 65 anyos, mag-uuma, ug managsamang residente sa susamang barangay.
Sa imbestigasyon sa mga kapulisan sa Margosatubig, sa wala pa nahitabo ang pagpangluba ang biktima ug ang suspetsado mitambong pa ug birthday celebration apan kalit lang nga nagkalalis nga miresulta sa pagpangluba.
Human sa maong panghitabo ang biktima nakaangkon ug samad dinunggaban sa iyang tiyan ug dali kining gidala sa balay tambalanan hinuon luwas na kini sa peligro.
Sa karon ang mga kapulisan sa Margosatubig Municipal Police Station naghimo na ug hot pursuit operation aron masikop ang suspetsado human miikyas.
