Gipasaka sa Regional Disaster Risk Reduction and Management Council (RDRRMC-13) gikan white alert ngadto sa blue alert status ang kahimtang sa rehiyon sugod Miyerkules, isip preparasyon sa posibleng epekto sa Severe Tropical Storm (STS) Opong (international name: Bualoi).
Base sa Memorandum Circular No. 34, series of 2025 nga gipagawas Martes, gi-address kini ngadto sa tanang Provincial, City, Municipal, ug Barangay DRRMCs sa Caraga.
Gisugo usab ang tanang miyembro nga ahensya sa RDRRMC ug mga lokal nga DRRMCs nga palig-onon ang pagmugna og monitoring, pagpanghatag og impormasyon, ug pagpangandam batok sa epekto sa bagyo.
Niadtong Miyerkules sa hapon, gitigom usab sa RDRRMC-13 ang tanang focal officers ug miyembro nga ahensya alang sa Pre-Disaster Risk Assessment (PDRA) Risk Analysis – Scenario Building meeting. Tumong niini ang paghisgot sa mga risgo ug posibleng epekto sa kasamtangang sistema sa panahon sa rehiyon sa Caraga.
Photo courtesy: PNA
