Samad nilubaan ang na-angkon sa usa ka 42 anyos nga babaye gikan sa iyang ka live-in partner sa Purok Palaran, Barangay Rebokon, Dumalinao, Zamboanga del Sur, adlaw’ng Miyerkules, September 24, 2025.
Ang biktima nga nailang si “Melanie” naka-angkon ug samad nilubaan sa tuong bahin sa tiyan, samtang ang suspetsado nga ka live-in partner sa biktima naila sa alyas “Junjie” 43 anyos, usa ka mag-uuma. Basi sa saysay sa amahan sa biktima nga Alejandro, ang maong maglive-in partner nag-away gumikan sa selos.
Nianang adlawa gipauban lang unta sa suspetsado ang biktima sa ilang umahan apan mibalibad sa pag-uban ang biktima hinungdan milakaw nga nag-inusara anh suspetsado ug sa pagbalik niini kalit na lang niyang giluba ang biktima nga iyang asawa gamit ang kutsilyo.
Nakahimo ra pagdagan ang biktima ug nagpakitabang sa mga kasilinganan hinungdan nadala kini dayon sa tambalanan nga nahimutang sa syudad sa Pagadian alang sa dinaliang medikasyon.
Padayon pa karon nga naglusad ug hot pursuit operation ang mga kapulisan sa Dumalinao Municipal Police Station aron masikop ang miikyas nga suspetsado.
Photo for illustration credits to:Dubai eye 103.8
