Samaran ang usa ka Driver sa motor human kini nabangga sa iyang katagbo nga fish car sa dalan national, Purok 7,Barangay Crossing Sta Clara,Naga, Zamboanga Sibugay niadtong nakalabay nga adlaw.
Sumala sa imbestigasyon,samtang nagbiyahe ang nasampit nga motor nga gimaneho usa ka Construction Worker, residente sa Barangay Taway paingon sa Ipil nga direksyon kalit miilog og Lane ang katagbo niini nga fish Car hinungdan nga nagbangga kini.
Pagkahuman sa maong panagbangga misibat ang sakyanan apan tungod sa koordinasyon, naharang sa sa mga personahe sa Siay ang maong Truck nga gihulagway nga Isuzu Elf og didto naila ang Driver niini nga residente sa Santiago District,Pagadian City.
Sa kasamtangan ang Truck og ang motor anaa sa kostudiya sa Naga MPS alang sa hustong lakang.
