Giklaro sa aktor nga si Gerald Anderson ang pagbuwag nila sa aktres nga si Julia Barretto, nga unang gipahibalo sa publiko niadtong Septyembre 18, 2025. Matud pa niini nga wala’y kalabutan si Vanie Gandler, usa ka sikat nga volleyball player, sa ilang panagbuwag.
Sa pakighinabi ni Anderson kang showbiz reporter Ogie Diaz pinaagi sa tawag sa telepono, gilimod niya ang tanang ispekulasyon nga nagdugtong kaniya kang Gandler. Ang maong pahayag gipagawas ni Diaz sa iyang vlog nga gipasalida sa YouTube kaniadtong Septyembre 22.
Matud ni Diaz sa vlog Una niyang gi-klaro nga dili si Vanie Gandler ang hinungdan sa ilang breakup ni Julia. Dugay na daw ning isyu pero wala gyud kini’y tinood.
Giangkon ni Gerald nga siya ang responsable sa ilang pagkabuwag ni Julia, apan wala na kini maghatag og dugang detalye kung unsa gyud ang tinuod nga rason.
Gipahayag usab niya nga wala sila’y personal nga koneksyon ni Gandler ug wala sila’y komunikasyon, bisan pa man nga nanan-aw siya og PVL diin nagadula si Gandler.
Pasabot pa ni Anderson dugay na ning isyu ni Vanie, pero walay basehan. Wala nako kaila personal si Vanie, ug wala mi nag-istorya,”
Dugang pa, mitug-an si Anderson nga bug-at na ang iyang gibati tungod sa mga sunod-sunod nga pagpang-bash sa social media, ug nangayo siya nga hunongon na ang isyu.
Samtang ang kampo ni Julia Barretto ug ni Vanie Gandler wala pa nagpagawas og opisyal nga pahayag bahin sa isyu hangtod karon.
Photo courtesy to:inquirer.net
