Wala nagsukod sa ranggo, posisyon ug katungdanan ang kalipay nga gidala sa subling pagbuhi sa mga dulang Pinoy sa Luntiang Palaro 2025 nga gipangulohan sa LGU Kidapawan City, niadtong nakalabay nga adlaw giablihan kini sa mga personahi sa Lokal nga Panggamhanan, uban usab ang partner agencies niini ug mga opisyal sa barangay.
Nahimong pahulay kini alang sa matag-usa, gikan sa deadlines, hectic schedules ug uban pang naandan nga mga buluhaton sa trabaho sa opisina man o sa barangay. Ang maong palaro nagpakita sa pagka-Pilipino sa mga taga-Kidapawan, pinaagi sa pagpakita sa pagtinabangay, paglipay ug panaghiusa aron mapanalipdan ug mudaog ang tagsa-tagsa nilang grupo.
Nasukod usab ang sportsmanship sa mga miapil, nga malipayong gidawat ug gisuportahan bisan unsa pa man ang resulta sa ilang kompetisyon.
Sa mga mosunod nga semana, lain-laing sports competition pa ang ipahigayon aron ipakita ang abilidad ug kahanas sa mga personahi sa City LGU.
Photo courtesy to:City Government of Kidapawan
