Nadakpan ang usa ka wanted person sa gihimong joint operation sa 1005th Regional Mobile Force Battalion-10 ug Iligan City Police Station 2 ning miaging adlaw sa Sitio Nunocan, Barangay Maria Cristina, Iligan City.
Giila ang suspek nga 20 anyos, residente sa Purok 5, Maria Cristina, Balo-i, Lanao del Norte. Gidakop ang suspek sa tracker team pinasikad sa warrant of arrest sa kasong Murder sa Revised Penal Code sa Article 248 ug walay girekomindar nga piyansa ang korte alang sa iyang temporyong kagawasan.
Giisyu ang warrant of arrest ni Presiding Judge Manuel I.R.A.V Barrios sa Regional Trial Court, National Capital Judicial Region, Branch 126, Caloocan City, pinitsahan kaniadtong Enero 25, 2023.
Sa pagkakaron ang nadakpan nga suspek padayong gikustodiya sa Iligan City Police Station 2 detention cell alang sa tukmang lakang.
Photo courtesy of ICPS2
