Gisaulog karong adlawa, September 23, sa TESDA Regional Training Center – Iligan ang ilang ika-48 anniversary pinaagi sa usa ka makalingaw ug makahulugang selebrasyon nga gisugdan sa motorcade kaganihang buntag.
Naglibot ang convoy sa mga partisipante gikan sa TESDA RTC-Iligan, uban sa mga partner agencies ug stakeholders, nga nagpakita sa ilang suporta ug panaghiusa alang sa padayon nga misyon sa teknikal ug bokasyonal nga edukasyon sa rehiyon.
Human sa motorcade, gipahigayon dayon ang usa ka hamubo ug pormal nga programa sulod sa compound sa TESDA RTC-Iligan, diin gitamod ang mga milestones ug kalampusan sa institusyon sukad sa pagkatukod niini.
Highlight usab sa anniversary celebration ang nakatakda nga Free Lecture on Defensive Driving nga ipahigayon ugma, September 24., diin abli kini sa publiko, ilabi na sa mga drayber ug interesadong motungha aron masabtan ang kahayag sa luwas ug responsableng pagmaneho.
Matud sa pamunuan sa TESDA RTC-Iligan, ang mga aktibidad karong tuiga gimugna alang sa pag-ila sa papel sa TESDA sa paghulma sa skilled nga mga Pilipino, ug pagduso sa disiplina ug kahimsog sa komunidad.
Gisalmotan ang programa sa nagkalain-laing mga partner stakeholders, mga studyante, ug ang pagsuporta sa Local Government Unit-Iligan sa pagpanguna ni Iligan City Mayor Frederick Siao ug sa Congressional Office pinaagi ni Iligan City Lone District Congressman Celso G. Regencia.
