Gipasidungan ang lokal nga atleta nga si Romnick Tongkaling, lumad sa Loay, Zone 2, Sta. Cruz, Davao del Sur, nga nalakip sa Philippine Team alang sa World Mountain and Trail Running Championship 2025.
Ang maong prestihiyosong kompetisyon ipahigayon sa Canfranc, Spain gikan Setyembre 24 hangtod 28, diin modaug-daug si Tongkaling sa short trail category.
Ang iyang partisipasyon nagpasabot dili lang ug dungog sa lungsod sa Sta. Cruz apan usab sa tibuok probinsya sa Davao del Sur, nga nagpakita sa kalig-on ug abilidad sa mga lokal nga atleta sa internasyonal nga entablado.
SOURCE: STA. CRUZ TOURISM
