Misobra sa P1 trilyon ang ocean-based industries sa Pilipinas niadtong 2024, sumala sa datos sa Philippine Statistics Authority (PSA). Ang maong sektor nakahatag og 3.8 porsyento sa gross domestic product (GDP) ug mitubo og 4.7 porsyento gikan sa P962.49 bilyon niadtong 2023.
Pinakadako nga kontribusyon gikan sa ocean fishing nga adunay 24.5 porsyento sa total ocean economy. Gisundan kini sa paghimo og ocean-based products, sea-based transportation ug storage, ug coastal accommodation ug food services.
Sa pagtubo, pinakakusog ang coastal construction (61.3%), coastal accommodation ug food services (34.8%), ug marine education (13.9%).
Sa trabaho, 2.39 milyon ang na-empleyo sa ocean-based industries niadtong 2024 o 4.9 porsyento sa total employment sa nasud. Pinakadako gihapon ang bahin sa ocean fishing nga may 35.6 porsyento sa kabuuang empleyo.
SOURCE: PNA
