Ubay-ubay ang nasikop sa gipahigayon nga usa ka semana nga law enforcement operations sa Lanao del Norte Police Provincial Office (LDNPPO) ilawom sa liderato ni PCOL Leo De Leon Sua, Acting Provincial Director, nga nagsugod niadtong Setyembre 15 hangtod Setyembre 21, 2025.
Ang kalampusan sa operasyon gipasiugda sa pagtinabangay sa mga hepe sa matag municipal police stations sa lalawigan.
Sa operasyon batok illegal nga groga 11 ka drug personalities (users ug pushers) ang nakumpiska mokabat sa 54.35 gramos nga shabu ug adunay market value ₱369,580.00
Anaa usab sa 13 ka wanted persons ang nasikop sa coordinated operations batok sa mga Wanted Persons
Samtang upat(4) ang nadakpan Illegal Logging Campaign diin nakumpiska ang managlahing klase sa pinutol nga kahoy nga nagkantidad ug dili moubos sa ₱55,072.58
Sa Kampanya usab Kontra Boga (Loose Firearms), usa (1) ang nadakpan sa upat ka operasyon ug nakumpiska ang duha (2) ka granada ug ubang ilegal nga armas
Nunot niini padayon ang LDNPPO sa pagserbisyo ug panalipod sa katawhan sa lalawigan, uban sa paningkamot nga mapadayon ang kalinaw ug kaluwasan sa komunidad.
Photo courtesy of LDN PPO
