Patay ang usa ka Senior Citizen human kini malambigit sa aksidente sa kadalanan didto sa National Highway Barangay Anonang Dumalinao Zamboanga del Sur, niatong nakalabay nga adlaw, Septembre 20,2025.
Naila ang biktima nga si “Cristituto” 68 anyos, residente sa Sultan Naga Dimaporo, Lanao del Norte. Sa imbestigasyon sa PNP Dumalinao samtang ang biktima nagmaneho kini sa iyang single motor Honda Click 125 latas sa National Highway kalit lang nga adunay mitabok nga iro.
Gilikayan lang unta sa biktima ang iro apan nawad-an hinoon sa control ang driver hinungdan nag sirko balintong ang motorsiklo.
Human sa maong panghitabo ang driver nakaangkon ug dakong samad sa ulo naglakip sa mga pangos bun-og sa kalawasan ug dali kining gidala sa pinakaduol nga tambalan apan gideklara nga dead on arrival sa nag-atimang doctor.
Sa karon ang patay’ng lawas sa biktima gidala na sa kabanay alang sa pagpa hiluna, samtang ang single motor anaa na kini sa Dumalinao Municipal Police Station alang sa tukmang lakang.
