Gipahigayon sa Provincial Tourism Development and Culture Promotions Office sa Davao del Sur, uban sa Department of Trade and Industry, ang usa ka Product Validation Tour nga mitutok sa mga cacao farms, cooperatives ug enterprises sa lalawigan.
Lakip sa ilang giadtuan mao ang MAFAMCO sa Magsaysay, KMPC ug Maxshie’s Farm sa Kiblawan, Kakaw Town Agricultural Products Wholesaling sa Padada, ug ang Davao del Sur OTOP Store sa Digos City.
Kini nga inisyatibo nagtumong sa pagpasigarbo sa kalidad sa lokal nga cacao-based products ug sa pagpalig-on sa koneksyon tali sa agri-tourism ug pagpalambo sa negosyo sa probinsya.
Nagpasalamat usab ang buhatan sa DTI alang sa padayon nga suporta, ilabi na kang Ms. Larraine Joy Tigas ug Ms. Lady Rexie Lauda nga miduyog sa maong kalihokan.
Pinaagi sa “Tilaw Cacao,” gisaulog ang sugilanon sa kalig-on, inobasyon ug kultura nga garbo sa Davao del Sur.
SOURCE: DAVAO DEL SUR TOURISM DEVELOPMENT AND CULTURE PROMOTIONS OFFICE
