Nasikop sa mga kapulisan ang usa ka drug suspect human kini nakuhaan sa illegal nga druga atol sa gikasang drug buy-bust operation didto sa Purok Sta.Teresita, Barangay Poblacion Aurora Zamboanga Del Sur, Septembre 18, 2025.
Gipangalanan sa PNP Aurora ang dinakpan nga si alyas “Dian”, 26 anyos, residente sa lungsod sa Aurora Zamboanga del Sur. Ang operasyon gipangunahan sa Aurora MPS, kauban ang ZSPDEU sa pakigkoordinar sa PDEA-9 nga miresulta sa pagkabawi sa mga pakete sa druga lakip ang mark money ug usa ka unit sa cellphone.
Ang tanang nakuhang ebidensya ilabina ang illegal nga druga gidala sa Zamboanga del Sur Provincial Forensic Unit camp Abelon Pagadian City alang sa Quantitative ug Qualitative Examination.
Samtang ang dinakpan tanggong na sa Aurora Municipal Police Station ug posibleng mag-atubang sa kasong may kalabutan sa Republic Act 9165 or sa Comprehensive Dangerous Drugs Act of 2002.
Photo courtesy to:Aurora Municipal Police Station
