Base sa datos sa PAGASA, ang sentro sa Tropical Storm “NANDO” (RAGASA) nahimutang sa 1,085 kilometro sa sidlakan sa Central Luzon. Kini nagdala og kusog nga hangin nga 75 kilometro matag oras hangtod 90 kilometro matag oras samtang nagalihok kini paingon kasadpang-amihanan-kasadpan sa gipaspason nga 15 kilometro matag oras.
Samtang, ang Tropical Storm MITAG (2517) nga kaniadto giila nga “MIRASOL” nagpadayon nga nagalihok gawas sa Philippine Area of Responsibility (PAR). Kini nahimutang 545 kilometro kasadpang-amihanan sa Itbayat, Batanes, nga adunay kusog nga hangin nga 75 kilometro matag oras nga gibanabanang moabot og 90 kilometro matag oras samtang nagalihok kini paingon sa amihanan sa gipaspason nga 20 kilometro matag oras.
Tungod sa southwest monsoon, ang Ilocos Region, Cordillera Administrative Region, Zambales, ug Bataan makasinati og mapanganurong kalangitan ug adunay pag-ulan.
Ang Metro Manila, Bicol Region, CALABARZON, MIMAROPA, Western Visayas, Negros Island Region, Zamboanga Peninsula ug ang ubang bahin sa Central Luzon makasinati sa mapanganurong kalangitan inubanan sa isolated rainshowers ug thunderstorms. Ang ubang bahin sa nasud makasinati gihapon og local thunderstorm nga posibleng moresulta sa pagbaha ug pagdahilig sa yuta kung magpadayon ang kusog nga pag-ulan.
Photo Courtesy: DOST-PAG-ASA
