Gidala sa ospital ang usa ka negosyante, human kini giluba sa naka utang niini didto sa Purok 2, Barangay Liba, Bayog Zamboanga Del Sur, kagahapong adlawa, Septembre 16, 2025.
Naila ang biktima nga si “Ana Marie” usa negosyante, ug residente kini sa Barangay Dipili, Bayog Zamboanga del Sur, samtang naila sab ang suspect nga si “Suraya Jane”, 30 anyos, babaye, usa ka housewife, residente sa susamang lugar.
Sa imbestigasyon sa Bayog PNP ang biktima kauban sa iyang live-in partner nga si “Roger” miabot sa lugar aron kini maningil sa utang ngadto sa suspect, apan misangpot sa init nga commotion, hinungdan nahimo sa suspect ang pag-pang luba sa biktima.
Human sa maong panghitabo ang biktima nakaangkon ug samad nilubaan sa duha niya ka bukton ug daling gidala sa pinakaduol nga tambalan aron kini matambalan nga karon luwas na ang kahimtang.
Bolutaryo nga mitahan ang suspect ngadto sa mga kapulisan, samtang temporaryo na kining nakakustodiya sa Bayog MPS alang sa documentation og tukmang disposasyon.
Photo for illustration crerdits to:O.P. Jindal Global University
