Kapin sa P350 milyones nga mga Farm Machineries ug mga Seaweed Farm Implementers ang gitunol sa Department of Agriculture (DA) sa mga Farmer’s Association ug mga Irrigator’s Association gikan sa nagkalain-laing probinsya sa Rehiyon Nueve.
Ang Ceremonial Turnover Ceremony gipangunahan ni DA Secretary Francisco Tiu Laurel Jr. kauban ang Zamboanga del Sur kauban ang Provincial Government Officials sa pagpanguna ni Governor Yu nga gihimo sa Blue Oval, Barangay Dao, Pagadian City, karong adlawa, Septyembre 17, 2025.
Nalakip sa gitunol sa mga IAs ug FAs mao ang mga tractor, harvester, ug direct seeder, samtang alang sa mga fisherfolk gitunol usab ang mga sakayan ug uban pang mga kagamitan alang sa pagpalambo sa produksyon sa isda ug mapataas ang kita sa mga mananagat ug mga mag-uuma.
Ang pag apod-apod kabahin sa Mechanization program ilawom sa Rice Enhancement Competitive Fund (RCEF) ug Enhanced Philippines Seewead Development Program (EPSDP) nga programa sa Department of Agriculture.
Ang programa usa lang sa inisyatiba nga gitutukan sa administrasyong Marcos Jr. aron mas mapasayon ug maminusan ang gastos sa mga mag-uuma ug mulambo labaw sa tanan ang mga produksyon sa Aquaculture ug Agricultural.
