Sikop sa kapulisan ang usa ka lalaki nga giilang bag-ong street-level drug personality sa usa ka search warrant operation sa Barangay Poblacion, Compostela, Davao De Oro niadtong nakalabay nga adlaw.
Gihimo ang operasyon sa Compostela Municipal Police Station kauban ang Provincial Drug Enforcement Unit (PDEU) ug 1st Provincial Mobile Force Company.
Giila ang suspek nga si alias “Tata,” 50 anyos, minyo, ug walay trabaho. Nakuha sa operasyon ang duha ka sachet sa gituohang shabu. Ang mga ebidensya gi-inventory ug gi-dokumento sa presensya sa mga saksi.
Ang suspek naa na karon sa kustodiya sa kapulisan ug giandam na ang kaso ilawom sa R.A. 9165* o Comprehensive Dangerous Drugs Act of 2002.
Photo courtesy:DDOPPO FB PAGE
