Niubos og 14% ang export sa Japan ngadto sa US tungod sa mga taripa niubos og halos 14 porsyento ang export sa Japan ngadto sa Estados Unidos niadtong tungod sa grabe nga taripa nga gipangpatuman ni Donald Trump.
Pinakabag-ong datos nga gipagawas niadtong Miyerkules nagpakita usab nga ang pagpadala og awto misaka og sobra usa ka-quarter. Kini ang pinakadakong pagkunhod sukad gisugdan sa presidente sa US ang pagpangbutang og taripa batok sa daghang nasod, nga nakalisang sa merkado ug nakapahugno sa global trade.
Base sa datos sa Ministry of Finance sa Japan, ang 13.8 porsyentong kada tuig nga pagkunhod sa kantidad sa mga produkto nga gipadala ngadto sa Estados Unidos mao ang pinakadakong pag ubos sulod sa kapin upat ka tuig, sumala sa Bloomberg.
Ang export sa awto misamot og ubos sa 28.4 porsyento, samtang ang auto parts nihinay og 7.1 porsyento. Sukad gisugdan ang trade war ni Trump karong tuiga, ang industriya sa awto nag-antos sa 27.5 porsyentong taripa.
Ang maong industriya naglangkob sa hapit ikatulo nga bahin sa kinatibuk-ang export sa Japan ngadto sa Estados Unidos. Apan, mi-implementar na ang mas ubos nga taripa sa US sa milabay’ng adlaw, kini alang sa mga awto sa Japan, human sa trade pact nga nahimo tali sa duha ka nasod. Bisan pa nga usa kini ka kadaugan para sa Japan, magpadayon gihapon nga makahatag og dakong kasakit sa industriya sa nasod ang mga taripa.
Photo courtesy:ISTOCK
