Gipahigayon ang simulation exercise (SIMEX) kalabot na kung adunay mahitabong hulga sa bomba sulod sa Surigao del Norte-Police Provincial Office sa Surigao City, September 17, 2025.
Kini nga kalihukan kabahin sa seguridad ug preparasyon sa kapulisan panahon nga adunay mahitabong hulga sa bomba nga mobusikad.
Nasayran nga adunay duha ka mga scenario ang gilusad sa mga otoridad nga girespondehan kini sa mga nagkadaiyang unit gikan sa PNP, BFP, SCTMO, SOCO, ingon man sa mga rescue team sa dakbayan sa pagpanguna sa Public Safety and Security.
Si PLTCOL ZALDY CAGAMPANG, Deputy Provincial Director for operation ang namahayag nga gihimo kini isip pagbansay sa kawani nga kanunay andam panahon sa panginahanglan pinaagi sa pagtinabangay sa mga ahensya.
Nagmontar nga adunay eksplosibo nga dali usab kining gitaho sa mga otoridad, ug pipila lamang ka minutos gilayon kining girespondehan.
