Natala niadtong Abril 6, 1893 sa New Orleans, ang pinakataas nga boxing match. Ang maong laban gisunod sa daang London Prize Ring rules diin ang away magpadayon hangtod nga ang usa ka boksidor dili na makapadayon. Bunga niini, ang duwa milungtad og 110 ka rounds sulod sa kapin sa pito ka oras.
Gibida sa duha ka boksidor ang ilang kusog ug kaisog bisan pa sa grabeng kakapoy. Sa ulahing mga rounds, halos dili na epektibo ang ilang mga suntok, apan wala gihapon sila mosurender. Si Burke gireport nga nabali ang duha niyang kamot, samtang si Bowen nag ampo ug padayon sa pagpakig harong bisan og kapoy na.
Sa katapusan, ang referee mipahunong sa duwa ug giideklarar kini nga no-contest tungod kay wala nay usa sa duha nga makapadayon.
Hangtod karon, nagpabilin nga talaan sa kasaysayan sa boxing ang Bowen–Burke fight — usa ka hulagway sa paglahutay, determinasyon ug kusganong espiritu sa duha ka boksidor.
Photo courtesy:Historic Flix
