Gihatagan og food items ang 350 ka mga benepisyaryo sa Food-for-Work (FFW) program sa Department of Social Welfare and Development (DSWD) Field Office Caraga isip baylo sa ilang partisipasyon sa community work niadtong Setyembre 15, 2025.
Ang mga benepisyaryo naggikan sa Barangay Tiwi ug Barangay San Juan sakop sa lungsod sa Hinatuan nga mitabang sa mga kalihokan alang sa Project LAWA ug BINHI sa ilang komunidad.
Pinaagi sa FFW program, ang DSWD naghatag og temporaryo nga trabaho diin ang mga partisipante mokompleto og mubo nga community service ug bayloan kini og family food packs.
Matod sa DSWD, ang programa dili lang makatabang sa paghatag og dali nga relief ug pagbatok sa kakulang sa pagkaon, apan nagdasig usab kini sa panaghiusa sa komunidad ug mosuporta sa rehabilitasyon sa lokalidad.
Photo courtesy: DSWD CARAGA
