Gitanyag ang nagkadaiyang libreng serbisyo alang sa mga Person’s with Disabilities (PWDs) sa gilusad nga medical outreach sa may Barangay Balangasan Gymnasium, Pagadian City, adlaw’ng lunes, Septyembre 15, 2025.
Matud ni Glyn Jumalon, Assistant chief Technical Designate sa CHO Pagadian, ang kalihukan nahimo pinaagi sa panagtambayayong sa City Health Office Pagadian,Philhealth Zamboanga del Sur,ug sa CSWDO pagadian ug PDAO Pagadian.
Sa maong kalihukan, libre nga gitanyag ang konsultasyon, mga tambal, Random Blood Sugar (RBS), blood pressure screening, ug ang lain-laing family planning services method alang sa tanang PWDs nga gustong mu-avail.
Ang medical outreach alang sa PWD sector gihimo alayon sa Person’s with Disability (PWDs) month nga gisaulog kada bulan sa Septyembre diin kini nagpakita sa pagtagad alang sa tanang mga katawhan nga mga mga kapansanan.
Ang mga nakonsulta nga PWDs nga dili pa miyembro sa PHILHEALTH, automatiko nga gi-assist sa mga staff aron makuhaan ug data aron malista ug ma myembro sa PHILHEALTH ug maka-avail sa nagkadaiyang mga serbisyo sa panlawas.
