Gipangunahan ni Dir. Mario M. Bermudez sa DepEd Central Office – Field Operations ang pagmonitor sa implementasyon sa ARAL Program sa Lagao Central ES ug GSC SPED Integrated School sa Quezon Avenue Campus General Santos City kagahapon sa buntag.
Atol sa maong monitoring, si Dir. Bermudez gisuta niini ang kaandam sa mga tunghaan sa pagpatuman sa Academic Recovery and Accessible Learning (ARAL) program subay sa standards sa departamento.
Miapil usab sa monitoring mao ang regional Education Program Supervisors Jay-ar Lipura ug Maria Isabel Cunanan, SGOD Chief Lito S. Adanza, ug division education program supervisors, aron sa paghatag og gikinahanglang teknikal nga tabang.
Photo courtesy: DepEd RXII SDO General Santos City
