Duha ka nonagenarian gikan sa Tandag City ang nakadawat og tig-₱10,000 nga pinansyal nga tabang ubos sa inisyatiba sa nasudnong gobyerno nga “Serbisyong Sapat Para sa Lahat.”
Ang mga benepisyaryo mao sila si Felisa A. Homedia ug Felomina M. Mohinog, nga kapareho nga 90 anyos. Ang maong programa gipasiugdahan sa Office of the President uban sa pakigtambayayong sa probinsyal nga pangagamhanan sa Surigao del Sur ubos sa pagdumala ni Gobernador Johnny T. Pimentel.
Tumong niini nga hatagan og suporta ug pasidungog ang mga katigulangan, ug masiguro nga ang mga serbisyo sa gobyerno makaabot sa labing mahuyang nga sektor sa katilingban.
Photo courtesy: Provincial Social Welfare and Development Office – Surigao del Sur
