Andam na ang kadumalahan sa Technical Education Skills Development Authority (TESDA)- Lanao del Norte pinaagi sa pagpanguna ni Provincial Director Norayah A. Acas, sa pagpasiugda sa ipahigayong kalihukan nga mao ang “Handog ng Pangulo” program, isip kabahin sa birthday celebration ni President Ferdinand Marcos Jr. sa umaabot nga Septyembre 13, 2025 nga ipahigayon sa Provincial Capitol sa Lanao del Norte.
Matud ni PD Acas nga gipangandam usab nila ang ipahigayon nga Mass Release sa Training Funds ngadto sa mga studyante sa Lanao del Norte. Anaa sa 150 ka mga scholars ang lauman nga mahatagan sa ilang sa Training Support Funds particular sa mga benepisyaryo nga mikuha sa kurso sama sa Food and Beverage Services NCII, Trainers Methodology Level I, Agri-crop Production NCII, Driving NC-II, Computer System Servicing NC II ug Bread and Pastry Production NC II.
Gidugang pa ni PD Acas nga isip pahalipay sa mga bisita atol sa ‘’Handog ng Pangulo’’mohatag ug libre nga Skills Demonstration ang TESDA uban sa lain pang Technical Training Institutions
Dugtong niini gidasig ang mga katawhan sa Lanao del Norte nga pahimuslan ang programa, kung asa lauman ng presensya sa uban pang mga ahensya sa gobyerno nga mohatag usab sa ilang serbisyo atol sa kasaulugan sa adlaw’ng natawhan ni PBBM ugmang adlawa Sabado.
