Human sa 9 ka tuig, nibalik na sa romantic K-drama si Song Joong-ki pinaagi sa bag-ong serye nga My Youth nga gipasalida sugod Setyembre 5, 2025, sa JTBC.
Gidala niya ang karakter ni Sun Woo Hae, usa ka kanhing child actor nga karon usa na ka florist nga nagpuyo nga malinawon. Diin nagkita na sila sa iyang first love nga si Sung Je Yeon (Chun Woo-hee), nga karon usa na ka team leader sa usa ka entertainment agency.
Kini ang unang romance drama ni Joong-ki sukad sa 2016 hit nga Descendants of the Sun. Sa miaging mga tuig, mas naka focus siya sa mga thriller ug fantasy roles (Reborn Rich, Vincenzo, Hopeless), pero napili niya ang My Youth tungod sa mas realistikong istorya nga puno sa pagbati.
Ang serye naghisgot sa first love, pagbasol, ug pagmove-on, nga ipakita sa simpleng setting sa kinabuhi layo ra sa iyang karaang mga karakter nga “larger-than-life.”
Photo courtesy: VIU
