Giandam na sa Department of Trade and Industry (DTI) ang pag-release sa Noche Buena Price Guide karong Nobyembre aron tabangan ang mga konsumidor pagpili sa husto ug patas nga presyo sa pagsugod sa holiday season.
Nahilakip sa price guide ang pasta, canned meat, condiments, gatas, ug uban pang palaliton nga kasagaran ihanda para sa Pasko ug Bag-ong Tuig.
Gidisenyo kini aron mahimong basihan sa publiko ilabi na sa mga naninda ug consumers nga gusto makasiguro nga patas ang presyo sa ilang paliton.
Gi-monitor sa DTI ang kalidad ug kaluwasan sa Christmas lights nga ibaligya sa merkado. Gipahimangnoan ang publiko nga kinahanglan kini adunay Philippine Standard (PS) o Import Commodity Clearance (ICC) safety mark.
Giawhag sa ahensya ang publiko nga basahon ang labels ug likayan ang mga produkto nga walay klarong marka aron malikayan ang peligro sa sunog ug disgrasya.
Photo courtesy to:Philstar.com
