Dakpan ang lima ka mga suspek sa napuhag nga gituohang drug den, atol sa gipahigayong drug buy-bust operation sa Rosal Street, Brgy. Rosary Heights 6, Cotabato City.
Subay sa report sa Philippine Drug Enforcement Agency – BARMM, kauban ang PDEG BARMM ug City Police Station 2, giila ang mga dinakpan nga sila si alyas Poli, 20-anyos, kinsa giingong drug den maintainer; alyas Prince, 20-anyos; alyas Nor, 32-anyos; alyas Mujiv, 23-anyos; ug alyas Saod, 26-anyos.
Nakumpiska gikan sa mga suspek ang 19 ka pakete sa gitoohang shabu nga may gibug-aton nga 6.5 gramos ug gibanabana nga kantidad nga ₱40,800.00.
Nakuha usab ang mga drug paraphernalia ug ang buy-bust money nga gigamit sa operasyon.
Mag-atubang ang lima ka dinakpan sa kasong paglapas sa Republic Act 9165 o Comprehensive Dangerous Drugs Act of 2002 ug temporaryong gibalhog sa PDEA BARMM Jail Facility.
Photo courtesy to: Mindanao Voices
