Gibutyag sa komedyante ug proud single mom nga si Candy Pangilinan nga naka-“fuccos” siya sa iyang anak nga si Quentin, nga adunay espesyal nga panginahanglanon.
Sa usa ka makalingaw nga tubag sa iyang fans nga nangumusta sa estado sa iyang love life, gipahayag ni Candy nga kung mingawon man siya sa pagbati nga adunay partner, muadto ra siya sa iyang barkada ug modawat ug usa ka date pero hangtod ra didto.
Bisan pa nga abli ang iyang kasing-kasing sa gugma, klaro nga dili kini top priority sa komedyante karong panahuna. Ang iyang prayoridad mao ang pag-atiman ug pagtabang sa pagpalambo sa kinabuhi sa iyang anak.
Photo courtesy of GMA NETWORK
