Giklaro ni Maria Luisa Yap, ang Focal Person for Street Children sa City Social Welfare and Development Office (CSWDO) sa Iligan City, kabahin sa hinungdan nganong mas hugot na karon ang pagpatuman sa Anti-Mendicancy Law sa syudad.
Sumala ni Yap, ang katuyoan sa balaod dili aron silotan ang mga nanglimos, kondili aron tabangan ang mga kabataan nga maluwas sa kinaiyang magsalig sa limos ug malikayan ang pagka-tapulan. Gipasabot niya nga kini usa ka paagi sa paggiya sa mga kabataan balik sa husto nga dalan, ilabi na sa edukasyon.
Dugang pa niya, aktibo ang CSWDO sa pagpahigayon ug mga programa sama sa Alternative Learning System (ALS) ug uban pang livelihood ug educational opportunities nga giandam para sa mga kabataan aron ilang maangkon ang mas maayo ug hayag nga kaugmaon.
Kini nga mga lakang kabahin sa paningkamot sa lokal nga kagamhanan nga mahatagan og long-term solution ang isyu sa pagpanlimos, ug masiguro nga ang mga kabataan adunay kahigayunan nga makab-ot ang ilang mga damgo.
