Patay ang usa ka 31-anyos nga babaye human nakaangkon og samad pinusilan niadtong Setyembre 5, 2025, didto sa Barangay Poblacion 1 sa Parang, Maguindanao del Norte. Giila ang biktima nga si Cristal Dianne Guatno, hamtong ang pangidaron, ug residente sa nahisgutang lugar.
Human sa paghitabo dali kining gidala sa Iranun District Hospital, apan nakabsan sa hinulamang kinabuhi sa wala pa nakaabot sa balay tambalanan. Narekober sa crime scene ang upat ka basiyo sa .45 caliber nga pistola, atol sa pag imbestiga.
Sa pagkakaron padayon pa ang gihimong imbestigasyon sa mga sakop sa Parang Municipal Police station alang sa pag-ila sa suspetsado ug pagsuta sa motibo sa kremin aron nga mapasakaan kini sa tukmang kaso sa korte.
Photo for illustration credits to: Public Policy Institute of California
