Sumala ni Cruzito Galvez, usa sa mga Retailer ug negosyante sa bugas sa syudad, posible matud pang kulangon ang bugas alang sa mga konsumante taliwala sa pagsugod sa suspension sa rice import sa nasud.
Gibutyag ni Galvez, dili kasugakod ang suplay sa palay o bugas dinhe sa lokal sa Surigao Del Norte gumikan kay walay igong pundo hinungdan nga kinahanglan gyud abagan sa pagpalit sa bugas gikan sa gawas sa nasud.
Dugang niini nga lahi ang klase nga bugas gumikan kay mauy pillion sa mga konsumante ang gikan sa gawas sa nasud particular na sa Vietnam.
Nunot kini sa gipagawas nga direktiba ni Pangulong Ferdinand Marcos Jr. nga adunay 60 ka adlaw nga import suspension nga gipatuman karon nga gimonitor usab sa Department of Agriculture (DA) ang pagbaligya sa imported nga bugas sa mga merkado sa nasud, gikan sa Septiyembre hangtod Oktubre, 2025 dungan sa peak harvest season.
Giingong tumong niini nga ma-stabilize ang presyo sa bugas sa nasud ug mapugngan ang padayong pagkunhod sa kita sa mga mag-uuma sa nagkadaiyang probinsiya.
