Padayon ang mga reaksyon sa mga iladong personalidad kalabot sa isyu sa korapsiyon sa gobyerno, human sa pagbunyag sa maanomalyang flood control projects nga gikalambigitan sa Department of Public Works and Highways. Apil na niini nga nagpagawas sa ilang mga komento ang celebrity couple nga sila Sarah Geronimo ug Matteo Guidicelli.
Sa usa ka event kaniadtong Agosto 29, misulti si Sarah samtang nag-istorya bahin sa skincare discussion uban nila Dra. Vicki Belo ug Dr. Hayden Kho. Matod niya, “Pero ‘yung kalsada dun, Doc, hindi na-absorb ‘yung tubig kasi tinipid,” nga nakapahugyaw sa audience. Daghang netizens ug celebrities ang mipalakpak sa iyang komento, ilabi na nga siya nailhan nga usa sa top taxpayers sa nasud.
Walay preno ang ipahayag sa iyang bana nga si Matteo, nga pinaagi sa serye sa posts sa X o kahing Twitter, kinsa mibatikos sa maluhong pamuyo sa mga anak sa contractors nga nalambigit niini, lakip ang usa nga nagbayad og ₱759,000 alang sa dinner for two sa usa ka luxury hotel. Giingon pa ni Matteo, “Not funny at all,” ug gidasig ang publiko nga i-post, i-repost ug i-expose ang kamatuoran, samtang nag-awhag sa transparency, accountability, ug integrity.
Gawas sa mag-asawang Sarah ug Matteo, nauna nang nagpahayag og pagkadismaya sa maong isyu sila Mayor Vico Sotto, Vice Ganda, Anne Curtis, Bianca Gonzalez, Nadine Lustre ug Carla Abellana.
Photo courtesy to: X
