Gitugotan sa Department of Agriculture (DA) ang pag import og isda ug uban pang aquatic products atol sa “ber months.”
Gibutyag sa tigpamaba sa Bureau of Fisheries and Aquatic Resources nga si Nazario Briguera kaniadtong Miyerkules, Kini aron ma-stabilize ang mga presyo, labi na sa closed season sa pangisda.
Pinaagi sa Memorandum Order No. 47, giaprobahan sa DA ang importasyon sa 55,000 metric tons (MT) sa frozen small pelagic fish para sa mga wet market gikan Oktubre 1 hangtod Disyembre 31, aron maseguro ang mas lig-on nga suplay sa isda.
Matud sa DA nga ang bag-ohay nga nahitabong kalamidad sa sunodsunod nga mga bagyo labi nga nakadaot sa lokal nga produksiyon sa isda.
Usab, pinaagi sa Memorandum Order No. 46, ang DA naghatag sa green light sa pag-import og 22,000 MT sa mga ispesipikong isda ug mga produkto sa pangisda/aquatic gikan sa Septiyembre hangtod sa Disyembre aron matubag ang panginahanglan sa merkado ug makahatag og mas lapad nga mga pagpilian.
Giproklamar sa DA kining duha ka mga mando sa tinguha nga masumpo ang inflation, pagsiguro sa seguridad sa pagkaon ug pag-diversify sa mga pagpili sa pagkaon.
Ang mga pangisda ug aquatic products alang sa importasyon mao ang Alaskan pollock, anchovies, barramundi, capelin, Chilean Seabass, cobia, cod/black cod, whiting, croaker, crustaceans, dolphin fish, eel ug emperor fish. Ang mga order naglakip usab sa fish meat, flounder, “fusilier,” “gindara,” gourami, grouper, “gunard,” haddock, hairtail, hake, halibut, “hamachi,” “hoki,” “largesnout goby,” mackerels, marlin, mollusks, “pangasius,” plaice, moonfish ug mullet.
Ang MO 47 nagtugot sa mga rehistradong importer ubos sa Fisheries Administrative Order No. 259 nga maka import og frozen small pelagic fish sa fourth quarter ning tuiga. Sa alokasyon, 80 porsiyento ang ihatag sa mga rehistradong importer nga sakop sa commercial fishing sector ug 20 porsiyento sa mga rehistradong asosasyon o kooperatiba sa pangisdaan.
Photo courtesy to: DA
