Nadakpan ang duha ka suspek atol sa usa ka joint anti-illegal drugs operation sa kapulisan ug Philippine Drug Enforcement Agency (PDEA) sa Tagbina, Surigao del Sur, alas-12:50 sa kaadlawon, Septiyembre 2, 2025 sa P-4C Sitio Mahayag, Brgy. Poblacion, Tagbina, Surigao del Sur.
Giila ni PCOL Jeffrey Lawrence D. Mauricio, Provincial Director, ang mga nadakpan nga sila si alias “Dodong,” 37 anyos, usa ka watchlisted High-Value Individual (HVI) nga taga-Bislig City, ug si alias “Ric2x,” 20 anyos, usa ka Newly Identified Pusher nga taga-Tagbina.
Ang mga nakumpiskang ebidensya mao ang; Pito (7) ka heat-sealed plastic sachets nga adunay puti nga crystalline substance nga gituohang shabu nga nagkantidad og PHP 102,000.00; Usa (1) ka P1,000 bill nga gigamit isip buy-bust money; Usa (1) ka silver Colt .45 caliber pistol nga adunay serial number nga 362719; Usa (1) ka magazine nga adunay walo (8 ) ka buhing bala; Usa (1) ka itom nga coin purse ug usa (1) ka brown coin purse; Dugang usa (1) ka buhing bala kalibre .45.
Ang duha ka suspetsado ug tanang nakumpiska nga ebidensya gidala sa Tagbina Municipal Police Station alang sa hustong dokumentasyon ug disposisyon. Kasong paglapas sa Republic Act No. 9165 (Comprehensive Dangerous Drugs Act of 2002) ug Republic Act No. 10591 (Comprehensive Firearms and Ammunition Regulation Act) ang giandam batok kanila.
SOURCE: Surigao Del Sur Police Provincial Office
