Pabilin nga lig-on ang mga presyo sa bugas duha ka adlaw pagkahuman human gipahamtang sa gobyerno ang temporary import ban.
Si Department of Agriculture (DA) spokesperson ug Assistant Secretary Arnel de Mesa niingon nga wala silay nabantayan nga dagkong paglihok sa presyo sa bugas kung asa sa ilang pagsusi sa presyo sa imported nga bugas anaa lamang tali sa ₱42 ngadto sa ₱45 matag kilo.
Samtang ang maximum suggested retail price anaa sa ₱43 per kilo nga gilaoman magpadayon tungod kay daghan ang stocks sa imported ug local rice.
Giklaro usab ni De Mesa nga upat ka mga pantalan Manila, Davao, Cagayan de Oro, ug Cebu ang gitakdang magpadayon sa pagdawat sa importasyon sa bugas sa unang bahin sa Setyembre.
Kahibaloan nga ang temporaryo nga 60 ka adlaw nga pagsuspenso sa importasyon sa bugas, gimando sa Malacañang sugod sa Setyembre 1, nagtumong sa pagpanalipod sa mga lokal nga mag-uuma nga nag-atubang sa ubos nga presyo sa humay (unmilled rice) sa panahon sa ting-ani.
via: THE GLOBAL
