Nanawagan si Melcy Y. Sumale, ang Transportation Officer II sa Land Transportation Office (LTO) Kidapawan, sa mga motorista nga wala pa makakuha sa ilang mga plaka nga kuhaon na kini sa buhatan.
Sumala ni Sumale, daghan pa gihapon og mga plaka nga gi-isyu sa LTO apan wala pa nakuha sa mga tag-iya sa sakyanan bisan pa nga gi-apod-apod na kini sumala sa listahan nga gihatag sa central office.
Giawhag ni Sumale ang mga motorista nga personal nga motungha sa LTO Kidapawan aron kuhaon ang ilang plakang nahabilin aron malikayan ang kalangan sa pagproseso sa dokumento ug malikayan usab ang posibleng multa kon madakpan nga walay plaka.
Dugang pa niini, ang pagkuha sa plaka usa ka obligasyon sa mga motorista alang sa hapsay nga implementasyon sa balaod trapiko ug aron masiguro nga legal ug klaro nga identity sa matag sakyanan nga nagabyahi sa kadalanan.
Kahibaloang ang LTO Kidapawan, magpadayon sa pag-apod-apod hangtod makompleto ang distribusyon sa mga plakang naandam na alang sa publiko.
