Nagpabiling Kapamilya si Bianca Gonzalez human siya nag-renew sa iyang kontrata sa maong network niadtong Setyembre 1, 2025.
Sulod sa 21 ka tuig, si Bianca usa sa mga pinakapopular nga host sa network, ilabi na sa Pinoy Big Brother.
Nagsugod siya isip trainee writer ug brainstormer samtang college pa siya. Matud pa niya, dili gihapon siya katoo nga nakaabot siya og ingon kadugay sa pagserbisyo, ug karon, gusto pa gyud niya nga daghan pa siyag makat-onan.
Wala niya gisudlan ang acting, singing, o dancing sama sa uban, apan kontento siya sa iyang papel isip host ug sa pagpaambit sa mga istorya sa uban.
Mi-apil sa kontrata signing sila Mark Lopez, Carlo Katigbak, Cory Vidanes, Laurenti Dyogi, ug ang iyang manager nga si Boy Abunda.
Nag-renew sab sa ilang kontrata karong tuiga sila Robi Domingo, Belle Mariano, ug Bela Padilla.
Photo courtesy to:philstar.com
