Hugot nga gibantayan sa Department of Agriculture (DA) ang baligyaanay sa imported rice sa tanang kamerkaduhan sa nasud. Kini ang pagpaniguro ni Agriculture Secretary Francisco Tiu-Laurel Jr. nunot sa pagpatuman sa 60 day suspensyon sa rice importation.
Paniguro ni Tiu Laurel, hugot ilang pagbantay sa pagbaligya aron masiguro ang patas nga presyo nga mapalit sa mga konsumante.
Dili lang matud pa tutukan sa DA ang kamerkaduhan sa Metro Manila, apan lakip ang kamerkaduhan sa tibuok nasud human sa gikaingong may magnipula sa mga presyo sa mga bugas.
Padayon matud pa ang pakigtambayayong sa DA sa mga stakeholder sama sa importers association aron mapaubos ang wholesale price sa bugas.
Una nang gihangyo ni Tiu Laurel, ang mga mamalitay nga dili mupalit sa mga imported rice kun muabot da P43 ang kada kilo nga mulabaw pa sa gitakdang maximus suggested retail price (MSRP).
Photo courtesy to: philippine star
