Gikagubtan ang nag-viral karon sa beteranong aktor ug TV host nga si Edu Manzano batok sa mga politiko ug kontraktor nga nalambigit sa giingong ghost o palpak nga flood-control projects.
Sa iyang facebook page, gipost ni Edu ang daghang AI-generated photos uban sa makalingaw ug makapa-igo nga mga caption sa kurakot.
Nitrending dayon kini human sa grabe nga pagbaha nga miigo sa daghang lugar sa Metro Manila, ilabi na sa Quezon City, niadtong Agosto 30, 2025.
Nakadani sa publiko ang iyang mga posts tungod kay nagsulti kini sa tinuod nga gibati sa mga tawo nga nag-antos sa baha ug nag-stranded sa lugar.
Daghang netizens ang midayeg ug miuyon sa iyang mga makapa-igo nga banat nga gilike ug gicommentan kini sa liboan ka tao sa online world.
Pinaagi sa iyang komedya ug sarcastic nga estilo, giila ni Edu ang pagka-kurakot sa uban nga opisyal nga nagpakadato sa kwarta samtang nagpasagad sa problema sa katawhan.
Kini nga klase sa banat nagpamatuod nga si Edu dili lang artista, kundili usa usab ka tingog sa katawhan batok sa kurapsyon.
Photo courtesy to: rappler
