Gikumpirma sa mga opisyal sa Maguindanao del Sur Provincial Police Office ug sa 601st Infantry Brigade sa Philippine Army nga napugos ang tropa sa 33rd Infantry Battalion nga mosukol ug motubag sa pagpabuto sa duha ka armado nga terorista nga sila si Muha Gamba ug Nasser Akmad nga mga residente sa Shariff Aguak, Maguindanao del Sur, hinungdan sa ilang kamatayon karong adlawong Sabado, Agosto 30,2025.
Kahibaloang ang duha ka mga motorista nga adunay armas, wala mosugot nga inspeksyonon sa mga sundalo nga nagbantay sa checkpoint sa Barangay Tuka, Mamasapano, Maguindanao del Sur ug misukol kini hinungdan nga namatay kini sa engkwentro niadtong hapon sa Biyernes, Agosto 29, 2025.
Sa report sa mga lokal nga opisyal, dili kini usa ka ambush sama sa unang gi-report sa pipila ka broadcast outlet sa Central Mindanao.
Samtang na-turn over na sa mga imbestigador sa Mamasapano Municipal Police Station ug mga police forensic experts nga nagresponde sa insidente ang mga lawas nila Gamba ug Akmad nga nakuha-an og usa ka .45 caliber pistol ug granada.
photo courtesy to:all tv news
