Atol sa gilusad nga halapad nga imbestigasyon sa Surigao City Traffic Management Office-SCTMO, kalabot na sa usa ka drayber sa tricycle nga nag tangag sa plaka SC No. 2173, nga nasakpan nga nagbuhat ug malaw-ay nga binuhatan sa dalan Rizal, corner Kaimo, Brgy. Washington, Surigao City, sayo sa kaadlawon, niadtong makalabayng adlaw.
Sa karon hingpit nang naila ang pag katawo sa nahisgutang driver, human kining nadakpan dihang naharangan kini sa mga traffic enforcer ning dakbayan, ug giendorso na kini sa Surigao City Police Station (SCPS) aron pasakaan ug kaso kriminal ubos sa RA 11313 (Anti-Bastos Law).
Dugang pa, gi-isyuhan kini ug Traffic Citation Ticket (TCT) alang sa mga paglapas sa:Driving without License; Discourteous; Wearing Slippers and Shorts.
Nasayra nga, niadtong tuig 2023, nadakpan ang maong drayber sa kaso sa pagbastos sa iyang menor de edad nga pasahero, diin gi-isyuhan kini ug TOP nga ₱10,000 ang multa ug gepasakahan sa PNP ug kaso kriminal.
Tungod sa seryoso nga mga kalapasan, gi-rekomenda sa SCTMO ngadto sa Regional LTO nga ikansela ang iyang Driver’s License. Wala na siya gitugotan sa LTO pagmaneho sukad niadtong tuig 2023.
Photo Courtesy: SCTMO-Surigao City Traffic Management Office
