Wala na kaikyas pa ang usa ka menor de edad nga lalaki human nadakpan sa gikasang operasyon pinaagi sa pwersa sa mga operatiba sa Manay Municipal Police Station, pasado alas 10:00 ang takna sa buntag niadtong Agusto 27, 2025 didto sa Manay, Davao Oriental.
Ang suspetsado naila nga si alyas Gab, gikonsiderang most wanted person, 16 anyos, ulitawo, laborer ug residente sa Purok 14, Brgy. Central, Manay sa nasampit nga probinsya.
Giaresto ang suspek pinaagi sa pagpatuman sa warrant of arrest sa kasong 2 ka ihap sa Statutory Rape nga gidocketan ubos sa Criminal Case No. 10183-25 ug 10184-25 nga giisyu ni Hon. Semiramis Bituin Castro sa RTC Branch 8, Mati City ug walay pyansang girekomendar ang korte alang sa iyang temporaryong kagawasan.
Sa karun ang dinakpan anaa na sa kustodiya sa Municipal Social Welfare and Development Office sa Manay alang sa ebalwasyon ug iturn-over sa Bahay Pag-asa CICL Shelter sa Mati City alang sa hustong disposisyon.
Photo Courtesy: PNP Manay
