Gisugdan na ang selebrasyon sa Intramurals 2025, sa Maximino Pellerin Sr. Technical and Vocational Institute (MPTVI) nga usa sa mga nag-unang training centers sa lungsod sa Magsaysay.
Sa maong okasyon, girepresentahan si Municipal Mayor Engr. Arthur D. Davin, usa sa mga founders sa maong institusyon, pinaagi ni Municipal Kagawad Allan Carampatana, Committee Chairperson on Labor and Employment, ug ni Municipal Kagawad Enrique Evangelista, Committee Chairperson on Agriculture.
Gibutyag sa lokal nga panggamhanan ang ilang padayong suporta alang sa MPTVI ug sa sektor sa edukasyon isip tinubdan sa kalambuan ug oportunidad para sa katawhan sa lungsod.
Ang Intramurals 2025 naglatid og makapahimulos nga higayon sa mga estudyante sa MPTVI aron maipakita ang ilang abilidad, talento, ug kahanas dili lang sa sports kundili usab sa pakiglambigit ug pakig-uban sa eskuylahan ug komunidad.
Ang maong kalihukan usa ka timaan sa kusog nga panaghiusa ug paningkamot sa institusyon ug sa lokal nga panggamhanan sa pagpahugot sa papel sa edukasyon sa paglambo sa Magsaysay.
Photo courtesy to: LGU Magsaysay
