Nag-atubang karon og 90 ka adlaw nga preventive suspension si PBGen. Romeo Macapaz, kanhi CIDG Director nga kasamtangang Regional Director sa Police Regional Office 12, niadtong Agosto 28, 2025.
Subay sa report, nasuta nga dunay legal nga basehanan kalabot sa reklamong grave misconduct ug unbecoming of a police officer Macapaz nga gipasaka ni Elakim Patidongan, igsuon sa missing sabungero whistleblower nga si Jose Patidongan o alyas “Totoy.”
Nalambigit ang reklamo sa giingong harassment nga gihimo ni Macapaz batok sa managsuong Patidongan dihang gidakop sila sa Cambodia.
Sa pagkakaron, pending ang kaso samtang gipatuman ang iyang preventive suspension nga gipahamtang sa National Police Commission (NAPOLCOM).
Photo courtesy to: Manila Standard
