Gipahigayon niadtong Agosto 27, 2025 ang Public Distruction ug disposal sa mga nasakmit nga mga iligal nga sigarilyo didto sa Brgy. Olingan dakbayan sa Pagadian.
Gipangunahan ni City Environment and Natural Resources (CENR) Officer Atty. Gratian Paul Tidor pinasikad sa order sa korte nga gub-on ang mga dinakpan nga mga iligal nga sigarilyo nga nakalapas sa RA 10643.
Gisaksihan ang maong pagguba sa mga ahensya sa gobyerno, ug media. Unang gipaligsan sa bakho ang mga gikatag nga sigarilyo dayun kining gibasa pinaagi sa pagbomba ug tubig sa bombero. Sunod niini mao ang pagdispose ngadto sa landfill sa Brgy. Sinaman.
Kini nagpakita ngadto sa publiko nga tanang mga dinakpan nga mga iligal nga sigarilyo ang giproseso ug tarong ang paglabay base sa order sa korte.
Photo for illustration Credits to:BusinessWeek Mindanao
