Nakadawat og award sa pag-arte ang batikang action star nga si Jeric Raval, human siyang mapili isip Best Supporting Actor sa 73rd FAMAS Awards alang sa iyang papel sa pelikulang “Mamay: A Journey to Greatness.”
Kahibaloan nga bisan sa iyang kapin 35 ka tuig sa showbiz, unang higayon pa lang kining nakadawat og prestihiyosong pasidungog.
Matud pa niya, nahikurat siya dihang nadungog ang iyang pangalan, ug samtang naglakaw paingon sa entablado, nabati niyang murag dili siya angayan sa maong award.
Kauban niya sa Victory Party ang actress nga si Ara Mina, ug nakita sa mga fans ang kalipay ug pagkahingangha sa aktor nga milungtad og katuigan nga wala gilauman nga makadawat sa maong pasidungog.
Sigun pa ni Jeric nga wala na siya nanginahanglan og love life, kay kasal gihapon siya sa babayeng iyang giila nga “tinuod nga trophy” sa iyang kinabuhi.
Photo courtesy to: Philstar.com
